Chronicles of the Dramabitches

fimmtudagur, ágúst 16

Frá hnjám má vinna sig upp með tungu og vörum og léttum fingurstrokum innan á lærum þartil að skautinu er náð.- Takið eftir angan konunnar.- Séu báðar hendur lagðar utanum læri hennar vefjast hendurnar ekki fyrir heldur er andlit þá í hæð við skautið og hægri hendi (sé viðkomandi elskhugi rétthentur) nær að efsta hluta skapabarma og getur þannig mjúklega ýtt til börmum svo greiðari leið sé að næmari pörtum píkunnar.

Margar konur (og karlar) upplifa neðsta hluta kviðarins sem kynnæmt svæði (svo fremi að viðkomandi sé ekki mjög kítlinn) og annar lófinn getur strokið yfir kviðinn í litlum hringjum.
Varir skal leggja með vel opnum munni yfir snípinn. Þannig fær tungan gott athafnasvæði á og við þetta kynferðislega næma svæði píkunnar.
Leyfið munnvatninu að streyma fram og leika um snípinn um leið og tungan fer þéttingsfast í litla hringi utanum hann.
Einnig má leggja tunguna alveg yfir snípinn og hreyfa síðan höfuðið stuttlega til hliðanna þannig að mjúkt en spennt tunguholdið leiki við snípinn án þess að tunguvöðinn þreytist fyrr en konan hefur fengið nægju sína af munngælum.

Gleymið aldrei mikilvægi varanna þegar gera skal munngælur við hjásvæfu. Varir skal leggja utanum snípinn og taka hann milli þeirra þannig að varir séu að opnast og lokast utanum hann. Leyfið ríkulega af heitu munnvatni að renna fram svo snípurinn baðist í því.

Þegar elskhugi færir sig frá snípsvæði og niður á píkuna við munngælur er mælt með að láta tungu renna yfir innanverða skapabarma kringum legop áður en tungubroddi er stungið inn og dillað uppávið.
Reynið ekki að stinga tungu sem lengst út milli spenntra varanna heldur leggið munninn yfir píkuna eins og áður rætt var um í sambandi við snípgælur og látið tungubrodd þannig teygja sig innfyrir ástaropið.

Fyrir óreynda kann að virðast sem píkan sé óhreint svæði en svo er ekki þó að lykt konu sem þegar er orðin kynferðislega örvuð af kossum og strokum geti verið sterk. Lærið að njóta þessa ilms og athugið að hann kemur einungis til af nærvu viðkomandi elskhuga.
Engar tvær konur ilma eins og engar tvær píkur er eins. Píkan er hinsvegar afar persónulegt svæði og kannski ekki að allar konur séu reiðubúnar að hleypa elskhuga sínum með andlit milli fóta sér við fyrstu ástaratlot.

Reynið aldrei að bíta í eða blása inn í píku. Að marggefnu tilefni skal bent á að klámmyndir eru alls ekki marktækt fræðsluefni í sambandi við kynlíf. Þegar klámmyndaleikari gælir við sköp mótleikkonu sinnar miðast allar hans aðgerðir og hreyfingar við að píkan komi fallega út á skjánum.
Snípurinn er einnig jafn viðkvæmt líffæri og hann er kynnæmt og því skal ekki taka mark á klámmyndasenum sem sýna klappað á snípinn eða þegar margir fingur fara inn í píku með hraða og jafnvel fruntaskap án þess að konunni sé gefinn nægur tími til að örvast og blotna.

Athugið að snípurinn hefur yfir sér forhúð líkt og lítið typpi og undir forhúðinni er snípurinn viðkvæmur og strokur yfir hann geta valdið óþægindum sé hann óundirbúinn.

Aftur varðandi klámmyndasenur þá láta klámmyndaleikkonur gjarnan sem himin og jörð séu að farast þegar mótleikari þeirra lætur rétt svo tungubrodd koma nærri píku þeirra eða japlar eitthvað í grennd við hana og gjarnan út í loftið yfir píkunni. Það kemur til af því að viðkomandi kona er klámmyndaLEIKKONA og aldrei skal líta á klám sem raunverulegt kynlíf.

Aftur að marggefnu tilefni skal því bent á að endaþarmur konunnar virkar ekki eins og píka. Konur öðlast kynferðislega ánægju ekki bara gegnum samfarir, en við samfarir kemur örvunin m.a. til af ertingu á snípinn.
Rass konunnar hefur engan sníp til að örvast sama hvað líður öllum klámmyndaleikkonum sem orga af ánægju þegar mótleikari treður í ósmurt rassgatið á þeim. Þær eru bara á ágætu kaupi og fá bónus fyrir buttfuck.
Auðvitað er líka til fullt af konum sem hafa mikla ánægju af endaþarmssamförum en ekki ganga útfrá því að öllum konum finnist það.

Þaraðauki vill undirrituð benda á að hún hefur aldrei hitt konu eða hvað þá heyrt um konu sem fannst eitthvað sérstaklega unaðslegt við að fá brundklessur elskhugans yfir andlitið.
Ef hjásvæfunni langar sérstaklega til þess lofið henni þá að biðja um það en ekki taka upp á brunda yfir hana alla bara afþví að það er gert þannig í klámmyndum.

...tíkin hefur talað!

What do do?
	Halda þessari síðu og fixa hana upp!
	Fara á 123.is og borga fyrir síðuna
	Fara á bloggar.is
	Fara á blog.is
	Fara aftur á blog.central.is
	sleppessu bara mar!
	Annað? Hvað...

Free polls from Pollhost.com